سیدنا جابر بن سمرہ رضی اللہ عنہ بیان کرتے ہیں کہ ”رسول اللہ صلی اللہ علیہ وسلم کی پنڈلیاں مبارک (گوشت کے لحاظ سے) قدرے پتلی تھیں، اور آپ صلی اللہ علیہ وسلم کا ہنسنا محض تبسم (مسکراہٹ) کی حد تک ہوتا تھا، اور جب آپ صلی اللہ علیہ وسلم کی طرف دیکھا جاتا تو دیکھنے والا یہی گمان کرتا کہ آپ صلی اللہ علیہ وسلم کی آنکھیں سرمگیں (قدرتی طور پر سرمہ لگی ہوئی) ہیں، حالانکہ فی الواقع آپ صلی اللہ علیہ وسلم نے سرمہ نہیں لگایا ہوتا تھا۔“ [مسند أبي يعلى الموصلي/حديث جابر بن سمرة السوائي، عن النبي صلى الله عليه وسلم/حدیث: 7458]