سیدنا واثلہ بن اسقع رضی اللہ عنہ سے روایت ہے کہ قبیلہ بنو سلیم کے کچھ لوگ نبی کریم صلی اللہ علیہ وسلم کی خدمتِ اقدس میں حاضر ہوئے اور عرض کی کہ ہمارے ایک ساتھی نے (گناہِ عظیم کے ارتکاب کی وجہ سے جہنم کو اپنے اوپر) واجب کر لیا ہے، تو آپ صلی اللہ علیہ وسلم نے ارشاد فرمایا: ”اسے چاہیے کہ وہ ایک غلام آزاد کرے، اللہ تبارک و تعالیٰ اس غلام کے ہر عضو کے بدلے اس شخص کے ایک ایک عضو کو آگ سے نجات عطا فرما دے گا۔“ [مسند أبي يعلى الموصلي/حديث واثلة بن الأسقع/حدیث: 7484]