سیدنا واثلہ بن اسقع رضی اللہ عنہ سے روایت ہے کہ نبی کریم صلی اللہ علیہ وسلم نے سیدنا علی رضی اللہ عنہ کو اپنی دائیں جانب، سیدہ فاطمہ رضی اللہ عنہا کو اپنی بائیں جانب اور سیدنا حسن و سیدنا حسین رضی اللہ عنہما کو اپنے سامنے بٹھایا، پھر آپ صلی اللہ علیہ وسلم نے ان سب کو ایک چادر سے ڈھانپ دیا اور دعا فرمائی: «اللَّهُمَّ هَؤُلَاءِ أَهْلُ بَيْتِي، وَأَهْلُ بَيْتِي أَتَوْا إِلَيْكَ، لَا إِلَى النَّارِ» ”اے اللہ! یہ میرے اہل بیت ہیں، اور میرے اہل بیت تیری ہی بارگاہ میں (پناہ لینے) آئے ہیں، آگ کی طرف نہیں“۔ [مسند أبي يعلى الموصلي/حديث واثلة بن الأسقع/حدیث: 7486]