سیدنا واثلہ بن اسقع رضی اللہ عنہ سے روایت ہے کہ رسول اللہ صلی اللہ علیہ وسلم ہمارے پاس تشریف لائے اور ارشاد فرمایا: ”تم یہ گمان کرتے ہو کہ میں تمہاری نسبت سب سے آخر میں وفات پاؤں گا، خبردار! یقیناً میں تم میں سے سب سے پہلے وفات پانے والا ہوں، اور تم متفرق گروہوں اور جماعتوں کی صورت میں میرے پیچھے آؤ گے اس حال میں کہ تم (باہمی فتنوں کا شکار ہو کر) ایک دوسرے کی گردنیں مار رہے ہو گے۔“ [مسند أبي يعلى الموصلي/حديث واثلة بن الأسقع/حدیث: 7490]