سیدنا سہل بن سعد رضی اللہ عنہ سے روایت ہے کہ ”میں نے رسول اللہ صلی اللہ علیہ وسلم کو کبھی اس طرح نہیں دیکھا کہ آپ صلی اللہ علیہ وسلم منبر پر یا اس کے علاوہ کسی اور جگہ دعا مانگتے ہوئے اپنے دونوں ہاتھ (پھیلا کر) بلند کرتے ہوں، بلکہ میں نے آپ صلی اللہ علیہ وسلم کو دیکھا کہ آپ صلی اللہ علیہ وسلم اس طرح اشارہ فرماتے تھے“ اور (اس کی کیفیت بیان کرتے ہوئے راوی) ابو سعید رحمہ اللہ نے فرمایا کہ ”آپ صلی اللہ علیہ وسلم اپنے دائیں ہاتھ کی شہادت کی انگلی سے اشارہ فرماتے تھے“ اور انہوں نے اپنی انگلی کو قدرے خم دے کر دکھایا۔ [مسند أبي يعلى الموصلي/حديث سهل بن سعد الساعدي عن النبي صلى الله عليه وسلم/حدیث: 7551]