سیدنا سعد بن ابی وقاص رضی اللہ عنہ سے آیتِ کریمہ ﴿وَلَا تَطْرُدِ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ﴾ ”اور ان لوگوں کو (اپنی مجلس سے) دور نہ کیجیے جو صبح و شام اپنے رب کو پکارتے ہیں“ کے بارے میں روایت ہے، انہوں نے فرمایا: ”یہ آیت چھ افراد کے بارے میں نازل ہوئی، جن میں میں اور ابن مسعود بھی تھے۔ مشرکین نے آپ صلی اللہ علیہ وسلم سے کہا تھا: ’کیا آپ ان لوگوں کو اپنے قریب کرتے ہیں؟‘“ [مسند أبي يعلى الموصلي/مسند سعد بن أبي وقاص/حدیث: 826]