سیدنا سعد بن ابی وقاص رضی اللہ عنہ سے روایت ہے، وہ فرماتے ہیں کہ میں نے عرض کیا: ”اے اللہ کے رسول! لوگوں میں سب سے سخت آزمائش کس کی ہوتی ہے؟“ آپ صلی اللہ علیہ وسلم نے فرمایا: ”انبیاء کی، پھر جو ان کے بعد افضل ہوں، پھر جو ان کے بعد افضل ہوں۔ بندے کو اس کے دین کے مطابق آزمایا جاتا ہے۔“ اور فرمایا: ”آزمائش بندے کے ساتھ لگی رہتی ہے یہاں تک کہ وہ زمین پر اس حال میں چلتا ہے کہ اس پر کوئی گناہ باقی نہیں رہتا۔“ حماد رحمہ اللہ کہتے ہیں: عاصم رحمہ اللہ نے اسے (بیان کرتے ہوئے) زور دے کر کہا۔ [مسند أبي يعلى الموصلي/مسند سعد بن أبي وقاص/حدیث: 830]