عون بن ابی جحیفہ رحمہ اللہ بیان کرتے ہیں کہ ان کے والد (سیدنا ابو جحیفہ رضی اللہ عنہ) نے سینگی لگانے والا ایک غلام خریدا، پھر اس کے سینگی کے آلات کے بارے میں حکم دیا تو وہ توڑ دیے گئے۔ میں نے ان سے کہا: ”آپ انہیں توڑ رہے ہیں؟“ انہوں نے فرمایا: ”رسول اللہ صلی اللہ علیہ وسلم نے خون کی قیمت، کتے کی قیمت اور بدکار عورت کی کمائی سے منع فرمایا ہے، اور گودنے والی اور گدوانے والی، سود کھانے والے اور کھلانے والے پر لعنت فرمائی ہے، اور تصویر بنانے والے پر بھی لعنت فرمائی ہے۔“ [مسند أبي يعلى الموصلي/من مسند أبي جحيفة/حدیث: 890]