سیدنا ابو الطفیل رضی اللہ عنہ نبی کریم صلی اللہ علیہ وسلم سے، اور امام حسن بصری رحمہ اللہ (مرسلاً) روایت کرتے ہیں کہ رسول اللہ صلی اللہ علیہ وسلم نے فرمایا: ”آج رات (خواب میں) میں کنویں سے پانی کھینچ رہا تھا کہ اتنے میں میرے پاس کالی اور خاکستری بکریاں (پانی پینے) آئیں۔ پھر ابوبکر آئے اور انہوں نے ایک یا دو ڈول کھینچے، ان کے کھینچنے میں کچھ کمزوری تھی، اور اللہ انہیں معاف فرمائے۔ پھر عمر آئے تو وہ ڈول ایک بڑے چرسے میں بدل گیا، انہوں نے حوض بھر دیے اور آنے والوں کو خوب سیراب کیا۔ میں نے لوگوں میں کوئی ایسا باکمال شخص نہیں دیکھا جو ان سے بہتر پانی کھینچتا ہو۔ میں نے اس کی تعبیر یہ کی کہ کالی بکریاں عرب ہیں اور خاکستری بکریاں عجم۔“ [مسند أبي يعلى الموصلي/مسند أبي الطفيل/حدیث: 904]