عبدالرحمن جہنی رحمہ اللہ بیان کرتے ہیں کہ میں نے سیدنا ابو سعید خدری رضی اللہ عنہ سے پوچھا: ”کیا آپ نے تہبند کے بارے میں رسول اللہ صلی اللہ علیہ وسلم سے کچھ سنا ہے؟“ فرمایا: ”ہاں۔“ میں نے کہا: ”مجھے بیان کیجیے۔“ فرمایا: میں نے آپ صلی اللہ علیہ وسلم کو فرماتے سنا: ”مومن کا تہبند اس کی آدھی پنڈلیوں تک ہوتا ہے، اور اس کے اور ٹخنوں کے درمیان (لٹکانے) میں اس پر کوئی حرج نہیں، اور جو ٹخنوں سے نیچے ہو وہ آگ میں ہے۔“ آپ صلی اللہ علیہ وسلم نے یہ تین مرتبہ فرمایا: ”اللہ تعالیٰ اس شخص کی طرف (رحمت کی نظر سے) نہیں دیکھے گا جو تکبر سے اپنا تہبند گھسیٹتا ہے۔“ [مسند أبي يعلى الموصلي/من مسند أبي سعيد الخدري/حدیث: 980]