حضرت ابوہریرہ رضی اللہ عنہ سے روایت ہے، انہوں نے فرمایا کہ نبی اکرم صلی اللہ علیہ وسلم ان تین چیزوں سے اللہ تعالیٰ کی پناہ مانگا کرتے تھے: ”بدبختی کے آ پکڑنے سے، دشمنوں کی ناروا خوشی سے، بری تقدیر سے اور شدید آزمائش اور مصیبت سے۔“ (راوی حدیث) سفیان (ابن عیینہ) نے کہا: حدیث میں تو تین چیزیں ذکر تھیں مگر میں نے چار اس لیے ذکر کر دیں کہ مجھے یاد نہ رہا، وہ تین کون سی ہیں؟ اور چوتھی کون سی جو ان میں شامل نہیں؟ (ویسے یہ چاروں آئندہ صحیح حدیث میں مذکور ہیں)۔ [سنن نسائي/كتاب الاستعاذة/حدیث: 5493]