حضرت خالد بن ذکوان سے روایت ہے، وہ حضرت ربیع بنت معوذ بن عفراء رضی اللہ عنہا سے بیان کرتے ہیں، انہوں نے کہا: ”جب میری رخصتی ہوئی تو نبی صلی اللہ علیہ وسلم تشریف لائے اور میرے بستر پر بیٹھے جیسے تو میرے پاس بیٹھا ہے۔ اس دوران میں ہماری چھوٹی چھوٹی بچیوں نے دف بجانا شروع کر دیا اور میرے آباء و اجداد جو غزوہ بدر میں شہید ہو چکے تھے ان کا مرثیہ پڑھنے لگیں۔ ان میں سے ایک بچی نے اچانک کہہ دیا: ”ہم میں ایک نبی ہے جو ان باتوں کی خبر رکھتا ہے جو آئندہ کل آنے والی ہیں۔“ آپ صلی اللہ علیہ وسلم نے فرمایا: ”یہ کہنا چھوڑ دو اور وہی کہو جو پہلے کہہ رہی تھیں۔““ [صحيح البخاري/كِتَاب النِّكَاحِ/حدیث: 5147]