اور ایک دوسری روایت میں ہے: مجاہد رحمہ اللہ نے بیان کیا، میں نے ابن عباس رضی اللہ عنہما سے دریافت کیا، کیا میں سورہ ص کی تلاوت پر سجدہ کروں؟ انہوں نے یہ آیت تلاوت فرمائی: ﴿وَمِنْ ذُرِّيَّتِهِ دَاوُودَ وَسُلَيْمَانَ ... أُولَئِكَ الَّذِينَ هَدَى اللَّهُ فَبِهُدَاهُمُ اقْتَدِهْ﴾ [سورة الأنعام: 84-90] ”اور ان کی اولاد میں سے داؤد اور سلیمان، پس آپ ان کی راہ کی اقتدا کریں۔“ انہوں نے فرمایا: تمہارے نبی صلی ‌اللہ ‌علیہ ‌وآلہ ‌وسلم بھی انہی میں سے ہیں جنہیں ان کی اقتدا کرنے کا حکم دیا گیا ہے۔ (رواہ البخاری)۔ [مشكوة المصابيح/كتاب الصلاة/حدیث: 1028]