عمران بن حصین اور ابوبرزہ رضی اللہ عنہما بیان کرتے ہیں کہ ہم رسول اللہ صلی ‌اللہ ‌علیہ ‌وآلہ ‌وسلم کے ساتھ ایک جنازے میں شریک ہوئے تو آپ صلی ‌اللہ ‌علیہ ‌وآلہ ‌وسلم نے کچھ لوگوں کو دیکھا کہ انہوں نے اپنی اوپر والی چادریں اتار پھینکی ہیں اور صرف قمیص پہن کر چل رہے ہیں، رسول اللہ صلی ‌اللہ ‌علیہ ‌وآلہ ‌وسلم نے (یہ منظر دیکھ کر) فرمایا: ”کیا تم جاہلیت کا سا کام کر رہے ہو یا جاہلیت کے کام سے مشابہت اختیار کر رہے ہو؟ میں نے ارادہ کیا کہ تمہارے لیے بددعا کروں کہ تمہاری صورتیں مسخ ہو جائیں۔“ راوی بیان کرتے ہیں کہ انہوں نے اپنی چادریں لے لیں اور پھر دوبارہ ایسا نہیں کیا۔ «إِسْنَادُهُ مَوْضُوعٌ» ”اس کی سند من گھڑت ہے۔“ [مشكوة المصابيح/كتاب الجنائز/حدیث: 1750]