عبداللہ بن ابی اوفی رضی اللہ عنہما بیان کرتے ہیں، جب کوئی قوم نبی صلی ‌اللہ ‌علیہ ‌وآلہ ‌وسلم کے پاس صدقہ لے کر آتی تو آپ دعا فرماتے: «اَللّٰهُمَّ صَلِّ عَلٰى آلِ فُلَانٍ» ”اے اللہ! فلاں کی آل پر رحمت فرما۔“ جب میرے والد صدقہ لے کر آپ کی خدمت میں حاضر ہوئے تو آپ صلی ‌اللہ ‌علیہ ‌وآلہ ‌وسلم نے فرمایا: «اَللّٰهُمَّ صَلِّ عَلٰى آلِ أَبِي أَوْفٰی» ”اے اللہ! ابو اوفی کی آل پر رحمت فرما۔“ بخاری، مسلم۔ ایک روایت میں ہے: جب کوئی آدمی اپنا صدقہ لے کر نبی صلی ‌اللہ ‌علیہ ‌وآلہ ‌وسلم کی خدمت میں حاضر ہوتا تو آپ صلی ‌اللہ ‌علیہ ‌وآلہ ‌وسلم فرماتے: «اَللّٰهُمَّ صَلِّ عَلَيْهِ» ”اے اللہ! اس پر رحمت فرما۔“ متفق علیہ۔ [مشكوة المصابيح/كتاب الزكاة/حدیث: 1777]