سلیمان بن یسار رحمہ اللہ سے روایت ہے کہ احوص نے شام میں اس وقت وفات پائی جب اس کی بیوی کو (طلاق کے بعد) تیسرا حیض شروع ہو چکا تھا، وہ اسے طلاق دے چکا تھا، معاویہ بن ابی سفیان رضی اللہ عنہما نے اس بارے میں مسئلہ دریافت کرنے کے لیے زید بن ثابت رضی اللہ عنہ کے نام خط لکھا تو زید رضی اللہ عنہ نے انہیں جواب دیا کہ وہ تیسرے حیض میں داخل ہو چکی ہے، وہ (عورت) اس سے بری الذمہ ہے اور وہ اس سے بری الذمہ ہے، وہ اس کا وارث نہیں اور یہ اس کی وارث نہیں۔ «إِسْنَادُهُ صَحِيحٌ، رَوَاهُ مَالِكٌ» ”اس کی سند صحیح ہے، اسے مالک نے روایت کیا ہے“۔ [مشكوة المصابيح/كتاب النكاح/حدیث: 3335]