عائشہ رضی اللہ عنہا بیان کرتی ہیں کہ یہ آیت ﴿لَّا يُؤَاخِذُكُمُ اللَّهُ بِاللَّغْوِ فِي أَيْمَانِكُمْ﴾ [سورة البقرة: 225] ”اللہ تم سے لغو قسم کا مؤاخذہ نہیں کرے گا“ اس آدمی کے بارے میں نازل ہوئی جو (عادت کے طور پر) کہتا ہے: «لَا وَاللّٰهِ» ”نہیں، نہیں! اللہ کی قسم!“ اور «بَلٰی وَاللّٰهِ» ”ہاں، ہاں! اللہ کی قسم!“ اسے امام بخاری رحمہ اللہ نے روایت کیا ہے، اور شرح السنہ میں مصابیح کے یہی الفاظ ہیں اور امام بغوی رحمہ اللہ نے فرمایا: بعض محدثین نے اسے عائشہ رضی اللہ عنہا سے مرفوع بیان کیا ہے۔ [مشكوة المصابيح/كتاب الإيمان والنذور/حدیث: 3417]