عکرمہ بیان کرتے ہیں، علی رضی اللہ عنہ کے پاس کچھ زندیق لائے گئے تو انہوں نے انہیں زندہ جلا دیا، عبداللہ بن عباس رضی اللہ عنہما کو اس بات کا پتہ چلا تو انہوں نے فرمایا: اگر میں ہوتا تو میں انہیں کبھی زندہ نہ جلاتا کیونکہ رسول اللہ صلی ‌اللہ ‌علیہ ‌وآلہ ‌وسلم سے اس کی ممانعت موجود ہے (کہ آپ صلی ‌اللہ ‌علیہ ‌وآلہ ‌وسلم نے فرمایا): «لَا تُعَذِّبُوا بِعَذَابِ اللَّهِ» ”اللہ کے عذاب کے ساتھ عذاب نہ دو۔“ کی وجہ سے میں انہیں نہ جلاتا اور رسول اللہ صلی ‌اللہ ‌علیہ ‌وآلہ ‌وسلم کے فرمان: «مَنْ بَدَّلَ دِينَهُ فَاقْتُلُوهُ» ”جو شخص اپنا دین (اسلام) بدل لے تو اسے قتل کر دو۔“ کے مطابق میں انہیں قتل کر دیتا۔ رواہ البخاری۔ [مشكوة المصابيح/كتاب القصاص/حدیث: 3533]