ابن عمر رضی اللہ عنہما سے روایت ہے کہ عمر رضی اللہ عنہ نے ایک لشکر روانہ کیا اور ساریہ رضی اللہ عنہ کو اس کا امیر مقرر کیا، اس اثنا میں کہ عمر رضی اللہ عنہ خطبہ ارشاد فرما رہے تھے کہ آپ زور سے کہنے لگے: «يَا سَارِيَةُ الْجَبَلَ» ”ساریہ! پہاڑ کی طرف۔“ پھر لشکر کی طرف سے ایک قاصد آیا تو اس نے کہا: اے امیر المومنین! ہمارا دشمن سے مقابلہ ہوا تو اس نے ہمیں شکست سے دوچار کر دیا تھا مگر اچانک کسی نے زور سے آواز دی: «يَا سَارِيَةُ الْجَبَلَ» ”ساریہ! پہاڑ کو نہ چھوڑو۔“ ہم نے اپنی پشتیں پہاڑ کی جانب کر لیں تو اللہ تعالیٰ نے انہیں شکست سے دوچار کر دیا۔ [رواہ البيهقي في دلائل النبوة] ۔ [مشكوة المصابيح/كتاب الفضائل والشمائل/حدیث: 5954]