علی رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ” «رَحِمَ اللَّهُ أَبَا بَكْرٍ» ”اللہ ابوبکر پر رحم فرمائے“، انہوں نے اپنی بیٹی سے میری شادی کی، دارِ ہجرت کی طرف مجھے اٹھا کر (اپنے اونٹ پر سوار کر کے) لے گئے، غار میں میرے ساتھ رہے، اور اپنے مال سے بلال کو آزاد کرایا۔ «وَرَحِمَ اللَّهُ عُمَرَ» ”اور عمر پر رحم فرمائے“، وہ حق فرماتے ہیں خواہ وہ کڑوا ہو، حق گوئی نے انہیں تنہا چھوڑ دیا اس لیے ان کا کوئی دوست نہیں، «رَحِمَ اللَّهُ عُثْمَانَ» ”اللہ عثمان پر رحم فرمائے“، فرشتے بھی ان سے حیا کرتے ہیں، «رَحِمَ اللَّهُ عَلِيًّا» ”اللہ علی پر رحم فرمائے“، «اللَّهُمَّ أَدِرِ الْحَقَّ مَعَهُ حَيْثُ دَارَ» ”اے اللہ! وہ جہاں بھی جائیں حق ان کے ساتھ ہی رہے۔““ ترمذی رحمہ اللہ نے فرمایا: یہ حدیث غریب ہے۔ اسنادہ ضعیف، رواہ الترمذی۔ [مشكوة المصابيح/كتاب المناقب/حدیث: 6134]