حضرت ابن عباس رضی اللہ عنہما سے روایت ہے، انہوں نے کہا کہ حضرت سفیان بن حرب رضی اللہ عنہ نے انہیں بتایا کہ ہرقل نے قریش کے چند افراد کے ساتھ انہیں بھی بلا بھیجا، یہ حضرات شام کے علاقے میں بغرض تجارت گئے تھے، چنانچہ سب لوگ ہرقل کے پاس آئے، پھر پورا واقعہ بیان کیا۔ اس کے بعد اس (ہرقل) نے رسول اللہ صلی اللہ علیہ وسلم کا نامہ مبارک منگوایا اور اسے پڑھا گیا۔ خط کا مضمون یہ تھا: «بِسْمِ اللّٰهِ الرَّحْمٰنِ الرَّحِيْمِ» ”اللہ کے نام سے جو نہایت مہربان، بہت رحم والا ہے۔“ ”یہ خط محمد صلی اللہ علیہ وسلم کی طرف سے، جو اللہ کا بندہ اور اس کا رسول ہے، روم کے بادشاہ ہرقل کی طرف ہے، سلام اس پر ہو جو ہدایت کے راستے پر چلنے والا ہے۔ «أَمَّا بَعْدُ!» ”حمد و ثنا کے بعد!““ [صحيح البخاري/كِتَاب الِاسْتِئْذَانِ/حدیث: 6260]