حضرت انس رضی اللہ عنہ سے روایت ہے، انہوں نے کہا کہ میری امی جان رضی اللہ عنہا نے عرض کی: ”اے اللہ کے رسول صلی اللہ علیہ وسلم ! انس آپ کا خادم ہے، آپ اس کے لیے دعا فرما دیں۔“ آپ صلی اللہ علیہ وسلم نے دعا کی: «اللَّهُمَّ أَكْثِرْ مَالَهُ وَوَلَدَهُ، وَبَارِكْ لَهُ فِيمَا أَعْطَيْتَهُ» ”اے اللہ! اس کے مال وعیال کو زیادہ کر دے اور جو کچھ تو نے اسے دیا ہے اس میں برکت عطا فرما۔“ [صحيح البخاري/كِتَاب الدَّعَوَاتِ/حدیث: 6344]