حضرت بلال فرماتے ہیں کہ نبی کریم صلی اللہ علیہ وآلہ وسلم نے موزوں اور پگڑی پر مسح فرمایا۔ [مصنف ابن ابي شيبه/كتاب الطهارة/حدیث: 220]

حضرت عبدالرحمن بن عسیلہ فرماتے ہیں کہ میں نے ابوبکر کو پگڑی پر مسح کرتے ہوئے دیکھا ہے۔ [مصنف ابن ابي شيبه/كتاب الطهارة/حدیث: 221]

حضرت اشعث اپنے والد سے روایت کرتے ہیں کہ حضرت ابو موسیٰ بیت الخلاء سے باہر تشریف لائے اور وضو میں انہوں نے اپنی ٹوپی کا مسح فرمایا۔ [مصنف ابن ابي شيبه/كتاب الطهارة/حدیث: 222]

حضرت ابو غالب کہتے ہیں کہ میں نے حضرت ابو امامہ کو پگڑی پر مسح کرتے دیکھا ہے۔ [مصنف ابن ابي شيبه/كتاب الطهارة/حدیث: 223]

حضرت حسن کی والدہ روایت کرتی ہیں کہ حضرت ام سلمہ رضی اللہ عنہا دوپٹے پر مسح فرمایا کرتی تھیں۔ [مصنف ابن ابي شيبه/كتاب الطهارة/حدیث: 224]

حضرت عاصم فرماتے ہیں کہ میں نے حضرت انس رضی اللہ عنہ کو موزوں اور عمامہ پر مسح کرتے دیکھا ہے۔ [مصنف ابن ابي شيبه/كتاب الطهارة/حدیث: 225]

حضرت عمر رضی اللہ عنہ فرماتے ہیں کہ اگر تم چاہو تو پگڑی پر مسح کر لو اور اگر تم چاہو تو اسے اتار کر مسح کر لو۔ [مصنف ابن ابي شيبه/كتاب الطهارة/حدیث: 226]

حضرت نباتہ کہتے ہیں کہ میں نے حضرت عمر رضی اللہ عنہ سے پگڑی پر مسح کے بارے میں سوال کیا تو انہوں نے فرمایا کہ چاہو تو پگڑی پر مسح کر لو اور اگر چاہو تو اسے اتار کر سر کا مسح کر لو۔ [مصنف ابن ابي شيبه/كتاب الطهارة/حدیث: 227]

حضرت طارق فرماتے ہیں کہ میں نے حضرت حکیم بن جابر کو پگڑی پر مسح کرتے ہوئے دیکھا ہے۔ [مصنف ابن ابي شيبه/كتاب الطهارة/حدیث: 228]

حضرت ابو مسلم کہتے ہیں کہ ایک مرتبہ میں حضرت سلمان کے ساتھ تھا۔ انہوں نے ایک آدمی کو دیکھا جس نے وضو کے لئے موزے اتار دیئے۔ حضرت سلمان نے اس سے فرمایا کہ اپنے موزوں پر، اپنی پگڑی پر اور اپنی پیشانی پر مسح کر لو۔ کیونکہ میں نے نبی کریم صلی اللہ علیہ وآلہ وسلم کو موزوں اور پگڑی پر مسح کرتے ہوئے دیکھا ہے۔ [مصنف ابن ابي شيبه/كتاب الطهارة/حدیث: 229]