حضرت ابن عمر رضی اللہ عنہما فرماتے ہیں کہ رسول اللہ صلی اللہ علیہ وآلہ وسلم سے اس پانی کے بارے میں سوال کیا گیا جو کسی جنگل میں ہو اور جانور اور درندے اس میں سے پیتے ہوں۔ آپ صلی اللہ علیہ وآلہ وسلم نے فرمایا ”جب پانی دو قُلّے ہوجائے تو وہ ناپاکی نہیں اٹھاتا۔ [مصنف ابن ابي شيبه/كتاب الطهارة/حدیث: 1537]

یہ حدیث ایک اور سند سے بھی منقول ہے۔ [مصنف ابن ابي شيبه/كتاب الطهارة/حدیث: 1538]

حضرت عبد اللہ بن عمرو رضی اللہ عنہ فرماتے ہیں کہ جب پانی چالیس قلہ ہوجائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1539]

حضرت ابن عباس رضی اللہ عنہما فرماتے ہیں کہ پانی جب دو ذنوب (ایک پیمانے کا نام) ہوجائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1540]

حضرت ابن عمر رضی اللہ عنہما فرماتے ہیں کہ پانی جب دو قُلّے تک پہنچ جائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1541]

حضرت محمد فرماتے ہیں کہ پانی جب ایک کر تک پہنچ جائے تو ناپاکی کو نہیں اٹھاتا۔ [مصنف ابن ابي شيبه/كتاب الطهارة/حدیث: 1542]

حضرت مسروق فرماتے ہیں کہ پانی جب ایک کر ہوجائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1543]

حضرت سعید بن جبیر فرماتے ہیں کہ کھڑا پانی جب تین قلوں تک پہنچ جائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1544]

حضرت مجاہد فرماتے ہیں کہ پانی جب دو قُلّے ہو تو کوئی چیز اسے ناپاک نہیں کرتی۔ حضرت شریک کہتے ہیں کہ میں نے ابو اسحاق سے پوچھا دو قُلّے کتنا پانی ہوتا ہے؟ فرمایا دو مٹکے۔ [مصنف ابن ابي شيبه/كتاب الطهارة/حدیث: 1545]

حضرت ابو عبیدہ فرماتے ہیں کہ پانی جب ایک کر ہوجائے تو کوئی چیز اسے ناپاک نہیں کرتی۔ [مصنف ابن ابي شيبه/كتاب الطهارة/حدیث: 1546]