حضرت ابو العالیہ فرماتے ہیں کہ رسول اللہ صلی اللہ علیہ وآلہ وسلم اپنے صحابہ کو نماز پڑھا رہے تھے کہ ایک نابینا آدمی آیا اور مسجد کے کنویں میں گرگیا۔ اس پر کچھ لوگ ہنسنے لگے، جب آپ نماز سے فارغ ہوئے تو آپ نے انہیں حکم دیا کہ وضو بھی دوبارہ کریں اور نماز بھی دوبارہ پڑھیں۔ [مصنف ابن ابي شيبه/كتاب الصلوات/حدیث: 3959]

حضرت عامر فرماتے ہیں کہ یہ فتنہ ہے، وضو اور نماز کا اعادہ کیا جائے گا۔ [مصنف ابن ابي شيبه/كتاب الصلوات/حدیث: 3960]

حضرت ابراہیم فرماتے ہیں کہ جب آدمی نماز میں ہنسا تو وہ وضو اور نماز دونوں کا اعادہ کرے گا۔ حضرت ابوبکر فرماتے ہیں کہ نماز کا اعادہ کرے گا لیکن وضو کا نہیں۔ [مصنف ابن ابي شيبه/كتاب الصلوات/حدیث: 3961]