حضفرت عطاء فرماتے ہں م کہ حضرت ابن عباس رضی اللہ عنہما نے عید کی نماز میں تیرہ مرتبہ تکبیرات کہیں، سات مرتبہ پہلی رکعت میں اور چھ مرتبہ دوسری رکعت میں۔ [مصنف ابن ابي شيبه/أول العيدين/حدیث: 5825]

حضرت نافع فرماتے ہیں کہ حضرت ابوہریرہ نے پہلی رکعت میں سات اور دوسری رکعت میں پانچ تکبیرات کہیں، سب کی سب قرائت سے پہلے تھیں۔ [مصنف ابن ابي شيبه/أول العيدين/حدیث: 5826]

حضرت عطاء فرماتے ہیں کہ حضرت ابن عباس رضی اللہ عنہما نے عید کی نماز کی پہلی رکعت میں تکبیر تحریمہ سمیت سات تکبیرات اور دوسری رکعت میں رکوع کی تکبیر سمیت چھ تکبیرات کہیں، یہ سب زائد تکبیرات قرائت سے پہلے تھیں۔ [مصنف ابن ابي شيبه/أول العيدين/حدیث: 5827]

حضرت ابن عباس رضی اللہ عنہما فرماتے ہیں کہ ولید بن عقبہ نے عید کی رات حضرت ابن مسعود، حضرت ابو مسعود، حضرت حذیفہ رضی اللہ عنہ اور حضرت ابو موسیٰ اشعری کو بلایا اور ان سے کہا کہ کل عید ہے، تکبیرات کیسے کہنی ہیں؟ حضرت عبد اللہ نے فرمایا کہ تم قیام میں چار تکبیرات کہو، پھر سورت فاتحہ پڑھو اور مفصل میں سے کوئی سورت پڑھو جو نہ بہت لمبی ہو نہ بہت مختصر، پھر رکوع کرو، پھر قیام میں قرائت کرو، جب قرائت سے فارغ ہو جاؤ تو چار تکبیریں کہو، چوتھی تکبیر پر رکوع کرو۔ [مصنف ابن ابي شيبه/أول العيدين/حدیث: 5828]

کردوس فرماتے ہیں کہ حضرت سعید بن عاص نے ماہ ذوالحجہ کے شروع میں حضرت عبد اللہ، حضرت حذیفہ رضی اللہ عنہ، حضرت ابو مسعود انصاری اور حضرت ابو موسیٰ اشعری کو بلایا اور ان سے عید کی تکبیرات کے بارے میں سوال کیا، سب نے یہ معاملہ حضرت عبداللہ کے سپرد کردیا تو انہوں نے فرمایا کہ تم حالت قیام میں تکبیر کہو، پھر تکبیر کہو، پھر تکبیر کہو، پھر تکبیر کہہ کر قرائت کرو، پھر تکبیر کہہ کر رکوع کرو، پھر اگلی رکعت مں ا اٹھ کر قرائت کرو، پھر تکبیر کہو، پھر تکبیر کہو، پھر تکبیر کہو، پھر تکبیر کہہ کر رکوع میں چلے جاؤ۔ [مصنف ابن ابي شيبه/أول العيدين/حدیث: 5829]

حضرت جابر بن عبد اللہ رضی اللہ عنہ اور حضرت سعید بن مسیب فرماتے ہیں کہ کل نو تکبیرات ہیں۔ نیز دونوں رکعتوں کی قرائت کو ملا کر نماز ادا ہوگی۔ [مصنف ابن ابي شيبه/أول العيدين/حدیث: 5830]

حضرت عبد اللہ بن حارث فرماتے ہیں کہ حضرت ابن عباس رضی اللہ عنہما نے ہمیں عید کی نماز نو تکبیرات کے ساتھ پڑھائی، پانچ تکبیریں پہلی رکعت میں اور چار دوسری رکعت میں، نیز دونوں قرائتوں کو ملایا۔ [مصنف ابن ابي شيبه/أول العيدين/حدیث: 5831]

حضرت شعبی فرماتے ہیں کہ زیاد نے مسروق کو پیغام دے کر بلوایا اور کہا کہ ہمارے بہت سے کام رہتے ہیں، ذرا عید کی تکبیرات کے بارے میں بتا دیجئے۔ فرمایا کہ عید میں نو تکبیرات ہیں، پانچ پہلی رکعت میں اور چار دوسری رکعت میں۔ دونوں کی قرائتوں کو ملاؤ یعنی دونوں قرائتوں کے درمیان کوئی زائد تکبیر نہ ہو۔ [مصنف ابن ابي شيبه/أول العيدين/حدیث: 5832]

حضرت ابراہیم فرماتے ہیں کہ حضرت اسود اور حضرت مسروق عید کی نماز میں نو تکبیرات کہا کرتے تھے۔ [مصنف ابن ابي شيبه/أول العيدين/حدیث: 5833]

حضرت محمد بن سیرین فرماتے ہیں کہ حضرت انس عید میں نو تکبیرات کہا کرتے تھے۔ پھر انہوں نے حضرت عبد اللہ جیسی حدیث نقل کی۔ [مصنف ابن ابي شيبه/أول العيدين/حدیث: 5834]