حضرت ابن عباس رضی اللہ عنہما فرماتے ہیں کہ فرمانِ باری تعالیٰ { أَقِمِ الصَّلاَۃ لِدُلُوکِ الشَّمْسِ } میں دلوک شمس سے مراد سائے کا جھکنا ہے اور فرمان باری تعالیٰ { وَاللَّیْلِ وَمَا وَسَقَ } میں وما وسق سے مراد وما جمع ہے۔ [مصنف ابن ابي شيبه/كتاب صلاة التطوع والإمامة/حدیث: 6418]

حضرت ابن عمر رضی اللہ عنہما فرماتے ہیں کہ دلوک شمس سے مراد نصفِ نہار کے بعد سورج کا مغرب کی طرف میلان ہے۔ [مصنف ابن ابي شيبه/كتاب صلاة التطوع والإمامة/حدیث: 6419]

حضرت ابن عباس رضی اللہ عنہما فرماتے ہیں کہ فرمانِ باری تعالیٰ { أَقِمِ الصَّلاَۃ لِدُلُوکِ الشَّمْسِ } میں دلوک شمس سے مراد اس کا غروب ہونا ہے۔ [مصنف ابن ابي شيبه/كتاب صلاة التطوع والإمامة/حدیث: 6420]

حضرت طاوس فرماتے ہیں کہ فرمانِ باری تعالیٰ { أَقِمِ الصَّلاَۃ لِدُلُوکِ الشَّمْسِ } میں دلوک شمس سے مراد مغرب سے پہلے اس کا جھکنا ہے۔ [مصنف ابن ابي شيبه/كتاب صلاة التطوع والإمامة/حدیث: 6421]

حضرت مجاہد فرماتے ہیں کہ میں اپنے مولی حضرت سائب کو لے کر چلتا تھا، وہ نابینا تھے۔ ایک دن انہوں نے مجھ سے پوچھا ”أَدَلَکَتِ الشَّمْسُ؟“ کیا سورج مائل ہوگیا؟ میں نے بتایا جی ہاں۔ اس پر انہوں نے ظہر کی نماز ادا کی۔ [مصنف ابن ابي شيبه/كتاب صلاة التطوع والإمامة/حدیث: 6422]

حضرت اسود کہتے ہیں کہ میں نے حضرت عبد اللہ کے ساتھ ان کے گھر بیٹھا تھا۔ اتنے میں سورج غروب ہوگیا تو حضرت عبداللہ نے یہ آیت پڑھی { أَقِمِ الصَّلاَۃ لِدُلُوکِ الشَّمْسِ إِلَی غَسَقِ اللَّیْلِ } پھر فرمایا اس ذات کی قسم جس کے سوا کوئی معبود نہیں۔ اس سے مراد وہ وقت ہے جس میں روزہ دار روزہ افطار کرتا ہے اور اس نماز کا وقت ہوجاتا ہے۔ [مصنف ابن ابي شيبه/كتاب صلاة التطوع والإمامة/حدیث: 6423]

حضرت ابن عمر رضی اللہ عنہما فرماتے ہیں کہ دلوک شمس سے مراد سورج کا مغرب کی طرف میلان ہے۔ [مصنف ابن ابي شيبه/كتاب صلاة التطوع والإمامة/حدیث: 6424]

حضرت جعفر بن ابو مغیرہ فرماتے ہیں کہ دلوک شمس سے مراد سورج کا زوال ہے۔ [مصنف ابن ابي شيبه/كتاب صلاة التطوع والإمامة/حدیث: 6425]

حضرت شعبی فرماتے ہیں کہ دلوک شمس سے مراد سورج کا زوال ہے۔ [مصنف ابن ابي شيبه/كتاب صلاة التطوع والإمامة/حدیث: 6426]

حضرت مجاہد فرماتے ہیں کہ دلوک شمس سے مراد سورج کا زوال ہے اور غسق اللیل سے مراد سورج کا غروب ہے۔ [مصنف ابن ابي شيبه/كتاب صلاة التطوع والإمامة/حدیث: 6427]