حضرت مجاہد اس شخص کے متعلق فرماتے ہیں جو حج اور عمرہ کرنے کی نیت سے نکلے پھر وہ محصور کردیا جائے تو وہ ھدی بھیج کر حلال ہوجائے گا اور پھر آئندہ سال وہیں سے احرام باندھے گا جہاں سے اس نے احرام کھولا تھا۔ [مصنف ابن ابي شيبه/كتاب الحج/حدیث: 13237]

حضرت سعید بن جبیر فرماتے ہیں کہ اس پر آئندہ سال دو عمرے اور ایک حج ہے۔ [مصنف ابن ابي شيبه/كتاب الحج/حدیث: 13238]

حضرت حماد اس شخص کے متعلق فرماتے ہیں جو حج اور عمرہ کا اکٹھا احرام باندھے پھر وہ محصور کردیا جائے تو وہ ھدی بھیج دے گا جب ھدی اپنے مقام تک پہنچ جائے تو وہ احرام کھول دے گا اور اس پر آئندہ سال دو عمرے اور ایک حج ہے اور حضرت حکم فرماتے ہیں اس پر آئندہ سال تین عمرے اور ایک حج ہے۔ [مصنف ابن ابي شيبه/كتاب الحج/حدیث: 13239]