حضرت حضرت مکحول کہتے ہیں کہ جب محرم کو جنابت لاحق ہوجائے وہ اپنے سر پر پانی بہاتے وقت اس کو نہ ہاتھ سے ملے اور نہ ہی رگڑے۔ [مصنف ابن ابي شيبه/كتاب الحج/حدیث: 13352]

حضرت عطاء فرماتے ہیں کہ محرم شخص اگر غسل کرے تو سر پر پانی ویسے ہی بہا دے اس کو ہاتھ سے نہ ملے۔ [مصنف ابن ابي شيبه/كتاب الحج/حدیث: 13353]

حضرت حسن محرم شخص کے غسل کرنے میں کوئی حرج نہیں سمجھتے لیکن نہاتے وقت سر کو ہاتھ سے بہت زیادہ ملنے کو ناپسند کرتے ہیں۔ [مصنف ابن ابي شيبه/كتاب الحج/حدیث: 13354]

حضرت عروہ جب محرم ہونے کی حالت میں غسل کرتے تو سر پر پانی ڈالتے تو اس کو ہاتھ سے نہ ملتے بلکہ صرف معمولی مسح کرتے (اس پر ہلکا سا ہاتھ پھیرتے)۔ [مصنف ابن ابي شيبه/كتاب الحج/حدیث: 13355]

حضرت عبد الاعلی رضی اللہ عنہ کہتے ہیں کہ میں نے حضرت سعید بن جبیر کو حالت احرام میں غسل کرتے ہوئے دیکھا وہ سر پر پانی تو بہا رہے تھے لیکن اس کو ہاتھ سے مل نہیں رہے تھے۔ [مصنف ابن ابي شيبه/كتاب الحج/حدیث: 13356]