حضرت زہری اس عورت کے متعلق فرماتے ہیں جس کو طواف کے کچھ چکر لگانے کے بعد حیض آجائے تو وہ ٹھہری رہے جب حیض کے ایام ختم ہوجائیں تو دوبارہ نئے سرے سے طواف کرے۔ [مصنف ابن ابي شيبه/كتاب الحج/حدیث: 13918]

حضرت عطاء فرماتے ہیں کہ عورت تین یا اس سے زیادہ چکر لگانے کے بعد اس کو اگر حیض آجائے تو اس کے لیے کافی ہے۔ [مصنف ابن ابي شيبه/كتاب الحج/حدیث: 13919]

حضرت ابراہیم اس عورت کے متعلق فرماتے ہیں جس کو طواف کے تین چکر لگانے کے بعد حیض آجائے تو اس کی طرف سے شمار کیے جائیں گے وہ چکر جو وہ لگا چکی ہے۔ [مصنف ابن ابي شيبه/كتاب الحج/حدیث: 13920]

حضرت ابراہیم سے دریافت کیا گیا کہ آدمی طواف کر رہا تھا اور ابھی کچھ چکر باقی ہوں اور اس کو حدث لاحق ہوجائے یا عورت کو دوران طواف حیض آجائے تو وہ کہاں سے طواف کی دوبارہ ابتداء کریں آپ نے فرمایا چکروں کے بعد حدث یا حیض لاحق ہوا ہے اس کے بعد سے شروع کریں۔ [مصنف ابن ابي شيبه/كتاب الحج/حدیث: 13921]

حضرت عطاء فرماتے ہیں کہ میرے نزدیک دوبارہ نئے سرے سے طواف کرنا زیادہ پسندیدہ ہے اور اگر وہ اسی پر بناء کرے تو بھی کوئی حرج نہیں۔ [مصنف ابن ابي شيبه/كتاب الحج/حدیث: 13922]