حضرت طاؤس سے مرفوعاً مروی ہے کہ نبی کریم صلی اللہ علیہ وآلہ وسلم نے ارشاد فرمایا: جس شخص کے گھر والے میقات کے اندر رہتے ہوں تو وہاں سے احرام باندھے جہاں وہ پیدا ہوا اور پرورش پائی، یہاں تک کہ وہ اہل مکہ کے پاس آجائے۔ [مصنف ابن ابي شيبه/كتاب الحج/حدیث: 13925]

حضرت طاؤس، حضرت عطاء اور حضرت مجاہد فرماتے ہیں کہ اگر کسی شخص کے اہل مکہ اور میقات کے درمیان رہائش پذیر ہوں تو وہ اپنے اہل کے پاس احرام باندھے۔ [مصنف ابن ابي شيبه/كتاب الحج/حدیث: 13926]

حضرت حسن فرماتے ہیں کہ اس میں کوئی حرج نہیں کہ کسی شخص کا گھر میقات کے اندر ہو تو وہ اپنے گھر سے احرا م باندھ لے۔ [مصنف ابن ابي شيبه/كتاب الحج/حدیث: 13927]

حضرت عطاء فرماتے ہیں کہ اگر کسی کے گھر والے میقات کے اندر ہی رہائش پذیر ہوں تو وہ وہاں سے احرام باندھے جہاں وہ پیدا ہوا۔ [مصنف ابن ابي شيبه/كتاب الحج/حدیث: 13928]