حضرت حسن اس بات کو جائز قرار دیتے تھے کہ کوئی آدمی اپنے غلام کی شادی اپنی باندی سے بغیرمہر اور بغیر گواہوں کے کرادے۔ [مصنف ابن ابي شيبه/كتاب النكاح/حدیث: 16788]

حضرت عطاء فرماتے ہیں کہ آدمی اپنے غلام کی شادی اپنی باندی سے بغیر گواہوں کے کراسکتا ہے البتہ اگر کسی کو گواہ بنالے تو بہتر ہے۔ [مصنف ابن ابي شيبه/كتاب النكاح/حدیث: 16789]

حضرت ابراہیم فرماتے ہیں کہ اسلاف غلام اور باندی کو نکاح پر مجبور کرتے تھے اور ان کے لئے دروازہ بند کرتے تھے۔ [مصنف ابن ابي شيبه/كتاب النكاح/حدیث: 16790]

حضرت ابن عباس رضی اللہ عنہما فرماتے ہیں کہ آدمی اپنے غلام کی شادی اپنی باندی سے بغیرمہر کے کراسکتا ہے۔ [مصنف ابن ابي شيبه/كتاب النكاح/حدیث: 16791]

حضرت ابو فاطمہ کہتے ہیں کہ میں نے حضرت ابن سیرین سے سوال کیا کہ اگر ایک آدمی اپنے غلام سے یہ کہے کہ میری فلاں باندی لے لو، اگر چاہو تو اس سے نکاح کرلو اور اگر چاہو اسے بیچ کر اس کی قیمت مجھے دے دو۔ تو اس کا کیا حکم ہے؟ انہوں نے فرمایا کہ اس کو جوڑا پہنا دے۔ [مصنف ابن ابي شيبه/كتاب النكاح/حدیث: 16792]