حضرت عدی بن حاتم رضی اللہ عنہ سے روایت ہے کہ میں نے حضور 5 سے باز کے شکار کے بارے میں سوال کیا تو آپ نے فرمایا: کہ باز تمہارے لیے جو شکار کرے اسے کھالو۔ [مصنف ابن ابي شيبه/كتاب الصيد/حدیث: 20813]

حضرت سعید فرماتے ہیں کہ باز اگر شکار میں سے کھائے تو تم مت کھاؤ۔ [مصنف ابن ابي شيبه/كتاب الصيد/حدیث: 20814]

حضرت جابر اور حضرت شعبی فرماتے ہیں کہ باز کا شکار کھاؤ خواہ اس نے خود اس میں سے کھایا ہو۔ [مصنف ابن ابي شيبه/كتاب الصيد/حدیث: 20815]

حضرت مکحول فرماتے ہیں کہ اگر باز اپنے شکار میں سے کھائے پھر بھی تم اس کو کھالو۔ [مصنف ابن ابي شيبه/كتاب الصيد/حدیث: 20817]

حضرت ضحاک فرماتے ہیں کہ سدھایا ہوا کتا یا باز شکار میں سے کچھ کھالے تو تم نہ کھاؤ۔ [مصنف ابن ابي شيبه/كتاب الصيد/حدیث: 20818]

حضرت حماد فرماتے ہیں کہ اگر شکاری پرندہ شکار کو نوچے یا کھائے تو تم بھی اس میں سے کھالو کیونکہ اس کی تعلیم بس اتنی ہے کہ وہ تمہارے پاس واپس آئے۔ [مصنف ابن ابي شيبه/كتاب الصيد/حدیث: 20819]

حضرت عامر اور حضرت حکم فرماتے ہیں کہ اگر تم اپنے شکرے یا باز کو شکار پر چھوڑو، پھر تم اسے بلاؤ اور وہ تمہارے پاس آجائے تو اس کی تعلیم یہی ہے، ایسے پرندے کو جب تم شکار پر چھوڑو اور وہ اس میں سے کھالے تو تم بھی اسے کھا سکتے ہو۔ [مصنف ابن ابي شيبه/كتاب الصيد/حدیث: 20820]

حضرت سلمان فرماتے ہیں کہ جب تم اپنے کتے یا باز کو شکار پر چھوڑو تو اس کا شکار کھاؤ خواہ اس کا دو تہائی کھالیا ہو۔ [مصنف ابن ابي شيبه/كتاب الصيد/حدیث: 20821]

حضرت عکرمہ فرماتے ہیں کہ اگر باز یا شکرا شکار میں سے کھائے تو اسے نہ کھاؤ۔ [مصنف ابن ابي شيبه/كتاب الصيد/حدیث: 20822]