حضرت علی رضی اللہ عنہ سے مروی ہے کہ قرآن پاک کی آیت { وَآتُوہُمْ مِنْ مَالِ اللہِ الَّذِی آتَاکُمْ } سے مراد پہلی قسط میں ربع چھوڑ دو۔ [مصنف ابن ابي شيبه/كتاب البيوع والأقضية/حدیث: 22669]

حضرت ابن عمر رضی اللہ عنہما سے مروی ہے کہ آدی مکاتب پر آخرت قسط تک عاجز ہونے کے اندیشہ سے بدل کتابت لادے رکھے تو ایسا کرنا ناپسندیدہ ہے۔ [مصنف ابن ابي شيبه/كتاب البيوع والأقضية/حدیث: 22670]

حضرت ابن سیرین رحمہ اللہ اس بات کو ناپسند فرماتے تھے کہ جب مکاتب بدل کتابت کو لکھے تو (اس میں لکھوا دے کہ) میں تیری آخری قسط میں کمی کر دوں گا۔ [مصنف ابن ابي شيبه/كتاب البيوع والأقضية/حدیث: 22671]

حضرت مجاہد رحمہ اللہ فرماتے ہیں کہ مکاتب جب اپنے پورے بدل کتابت کا ربع ادا کر دے تو اس کے مالک سے اس کو آزاد کروانے میں جلدی کروائی جائے گی۔ [مصنف ابن ابي شيبه/كتاب البيوع والأقضية/حدیث: 22672]

حضرت ابن عباس رضی اللہ عنہما سے مروی ہے کہ حضرت عمر رضی اللہ عنہ نے اپنے غلام کو مکاتب بنایا جس کی کنیت ابو امیہ تھی، جب وہ بدل کتابت کی قسط لے کر حاضر ہوا تو آپ رضی اللہ عنہ نے اس سے فرمایا: اے ابو امیہ! اپنے بدل کتابت میں مدد طلب کر، اس نے عرض کیا کہ اے امیر المؤمنین رضی اللہ عنہ! اگر آپ کو آخری قسط تک رہنے دیں (تو بہتر ہے) آپ رضی اللہ عنہ نے فرمایا: مجھے اس بات کا ڈر ہے کہ تو اس کو نہ پائے گا پھر آپ رضی اللہ عنہ نے قرآن پاک کی آیت { وَآتُوہُمْ مِنْ مَالِ اللہِ الَّذِی آتَاکُمْ } تلاوت فرمائی۔ حضرت عکرمہ رحمہ اللہ فرماتے ہیں کہ یہ بدل کتابت کی پہلی قسط ہے جو اسلام میں ادا کی گئی۔ [مصنف ابن ابي شيبه/كتاب البيوع والأقضية/حدیث: 22673]

حضرت محمد بن سیرین سے مروی ہے کہ صحابہ کرام رضی اللہ عنہ م اس کو پسند فرماتے تھے کہ مکاتب کے بدل کتابت میں کچھ حصہ چھوڑ دیں۔ [مصنف ابن ابي شيبه/كتاب البيوع والأقضية/حدیث: 22675]

حضرت عطا رحمہ اللہ قرآن پاک کی آیت { وَآتُوہُمْ مِنْ مَالِ اللہِ الَّذِی آتَاکُمْ } کے متعلق فرماتے ہیں کہ جو کچھ اللہ پاک نے تمہارے لئے تمہارے مکاتب سے نکالا ہے (وہ مراد ہے)۔ [مصنف ابن ابي شيبه/كتاب البيوع والأقضية/حدیث: 22676]

حضرت عطا رحمہ اللہ فرماتے ہیں کہ جو آپ کا دل کرے اتنا اس کو چھوڑ دو اس میں کوئی خاص مقدار مقرر نہیں ہے۔ [مصنف ابن ابي شيبه/كتاب البيوع والأقضية/حدیث: 22677]

حضرت مجاہد اور حضرت قاسم رحمہ اللہ فرماتے ہیں کہ اس سے کچھ کم کردیا جائے گا۔ [مصنف ابن ابي شيبه/كتاب البيوع والأقضية/حدیث: 22678]