حضرت جعفر ابن ابو ثروان رحمہ اللہ سے مروی ہے کہ حضرت علی رضی اللہ عنہ نے لوگوں کو ابن النبّاح کی مالی مدد کی ترغیب دی۔ لوگوں نے اس کے لئے اس کے بدل کتابت سے زیادہ جمع کردیا، بدل کتابت ادا کرنے کے بعد کچھ بچ گیا۔ حضرت علی رضی اللہ عنہ نے وہ دو مکاتبوں کو دے کران کا بدل کتابت ادا کروا دیا۔ [مصنف ابن ابي شيبه/كتاب البيوع والأقضية/حدیث: 22895]

حضرت حسن رحمہ اللہ سے مروی ہے کہ مکاتب نے ایک یا دو لوگوں کی آزادی کے لیے سوال کیا، اس کو عطا کیا گیا، جب وہ حضرت ابو موسیٰ رضی اللہ عنہ کی نظر میں کافی زیادہ ہوگیا، تو اس کو بلایا، وہ جو اس کو دیا گیا تھا وہ لے کر وہ حاضر ہوا، پھر آپ نے دیکھا، جتنے کے سوال کیا گیا تھا اس کو عطا کیا اور جو باقی بچا وہ رکھ لیا اور اس سے ایک یا کئی غلاموں کو آزاد کیا۔ [مصنف ابن ابي شيبه/كتاب البيوع والأقضية/حدیث: 22896]

حضرت صبیح سے مروی ہے کہ حضرت عبد اللہ بن عباس رضی اللہ عنہما نے لوگوں کو مکاتب کا بدل کتابت ادا کرنے کے لئے ترغیب دی، لوگوں نے اس کے لئے مال جمع کیا، اس نے بدل کتابت ادا کیا اور کچھ مال بچ گیا، تو حضرت عبد اللہ بن عباس رضی اللہ عنہما نے وہ مال دو مکاتبوں کو عطا کردیا۔ [مصنف ابن ابي شيبه/كتاب البيوع والأقضية/حدیث: 22897]