حضرت ابن عباس رضی اللہ عنہما سے مروی ہے کہ مدینہ میں خچروں کا ایک قافلہ آیا جس پر سامان تجارت تھا، آنحضرت صلی اللہ علیہ وسلم نے اس میں خریدا اور کچھ چاندی زائد بچ گئی، آپ صلی اللہ علیہ وسلم نے اس کو بنی عبد المطلب کے مساکین میں تقسیم فرما دیا اور فرمایا: میں ایسی چیز نہیں خریدنا جس کی قیمت میرے پاس نہ ہو۔ [مصنف ابن ابي شيبه/كتاب البيوع والأقضية/حدیث: 23620]

حضرت ابو قلابہ رضی اللہ عنہ پیشہ اختیار کرنے پر ابھارتے تھے، اور فرماتے مال داری عافیت میں سے ہے۔ [مصنف ابن ابي شيبه/كتاب البيوع والأقضية/حدیث: 23621]

حضرت مجاہد قرآن پاک کی آیت { أَنْفِقُوا مِنْ طَیِّبَاتِ مَا کَسَبْتُمْ } کی تفسیر میں فرماتے ہیں کہ اس سے مراد تجارت ہے۔ [مصنف ابن ابي شيبه/كتاب البيوع والأقضية/حدیث: 23623]