حضرت ہشام بن عروہ فرماتے ہیں کہ حضرت عروہ کے پاس ہاتھی کی ہڈیوں کی کنگھی تھی اور ہاتھی کی ہڈیوں سے بنی ہوئی تیل کی شیشی تھی۔ [مصنف ابن ابي شيبه/ كتاب الأدب/حدیث: 27203]

حضرت ہشام فرماتے ہیں کہ میں نے اپنے والد حضرت عروہ کو دیکھا کہ وہ ہاتھی کی ہڈی سے بنی ہوئی تیل کی شیشی میں سے تیل لگاتے تھے۔ [مصنف ابن ابي شيبه/ كتاب الأدب/حدیث: 27204]

حضرت ہشام فرماتے ہیں کہ ان کے والد حضرت عروہ کے پاس ہاتھی کی ہڈی سے بنی ہوئی تیل کی شیشی تھی جس میں سے وہ تیل لگاتے تھے۔ [مصنف ابن ابي شيبه/ كتاب الأدب/حدیث: 27205]

حضرت اسماعیل بن امیہ اپنی والدہ سے نقل فرماتے ہیں کہ حضرت عمر بن عبد العزیز کی رازدان نے بتلایا کہ میں ان کے پاس ہاتھی کے دانت کی بنی ہوئی تیل کی شیشی لے کرگئی یا کنگھی تو آپ نے اس کو ناپسند کیا اور فرمایا یہ تو مردار ہے۔ [مصنف ابن ابي شيبه/ كتاب الأدب/حدیث: 27206]

حضرت ابن جریج فرماتے ہیں کہ حضرت عطاء نے ہاتھی کے دانت کو ناپسند فرمایا۔ [مصنف ابن ابي شيبه/ كتاب الأدب/حدیث: 27207]

حضرت لیث فرماتے ہیں کہ حضرت طاؤس نے ہاتھی کے دانت کو ناپسند فرمایا۔ [مصنف ابن ابي شيبه/ كتاب الأدب/حدیث: 27208]

حضرت لیث فرماتے ہیں کہ حضرت طاؤس نے ہاتھی کے دانت کو بہرصورت ناپسند فرمایا، اور اس بات کو بھی کہ اس کی کنگھی بنائی جائے۔ [مصنف ابن ابي شيبه/ كتاب الأدب/حدیث: 27209]