حضرت ابن بریدہ فرماتے ہیں کہ حضرت عمر نے ارشاد فرمایا: آدمی نے فارسی نہیں سیکھی مگر یہ کہ وہ خبیث ہوگیا اور کوئی خبیث نہیں ہوتا مگر یہ کہ اس کی مروت میں کمی آجاتی ہے۔ [مصنف ابن ابي شيبه/ كتاب الأدب/حدیث: 27964]

حضرت ثور فرماتے ہیں کہ حضرت عطاء نے ارشاد فرمایا: کہ تم لوگ عجمیوں کی زبان مت سیکھو اور ان کی عبادت گاہوں میں داخل مت ہو، اس لیے کہ ان پر اللہ کی ناراضگی اترتی ہے۔ [مصنف ابن ابي شيبه/ كتاب الأدب/حدیث: 27965]

حضرت داؤد بن ابی ھند فرماتے ہیں کہ حضرت محمد بن سعد بن ابو وقاص نے چند لوگوں کو فارسی زبان میں بات کرتے ہوئے سنا تو ارشاد فرمایا: کہ لوگوں کو کیا ہوا کہ مسلمان ہونے کے بعد مجوسی ہوگئے۔ [مصنف ابن ابي شيبه/ كتاب الأدب/حدیث: 27966]