حضرت عمرو بن شعیب اپنے باپ اور وہ اپنے دادا سے روایت کرتے ہیں کہ حضرت ابوبکر اور عمر نے ارشاد فرمایا کہ جس زخم میں ہڈی واضح ہوجائے اس میں چہرہ اور سر برابر ہیں۔ [مصنف ابن ابي شيبه/كتاب الديات/حدیث: 28542]

حضرت عمر وبن میمون سے مروی ہے کہ عمر بن عبدالعزیز نے لکھا کہ ہڈی واضح ہوجانے والے زخم میں سر اور چہر ہ برابر ہیں، اس میں پانچ اونٹ ہیں۔ [مصنف ابن ابي شيبه/كتاب الديات/حدیث: 28543]

حضرت سلیمان بن یسار کا ارشاد ہے کہ چہرہ کے جس زخم میں ہڈی واضح ہوجائے یہ حکم میں سر کے اس زخم کے برابر ہے کہ جس میں ہڈی واضح ہوجائے۔ البتہ اگر چہرہ میں کوئی عیب بن جائے تو اس کے بقدر دیت ہوگی جب تک کہ وہ ہڈی واضح ہوجانے والے زخم کی نصف دیت تک نہ پہنچ جائے۔ [مصنف ابن ابي شيبه/كتاب الديات/حدیث: 28544]

حضرت شعبی کا ارشاد ہے کہ ہڈی واضح ہونے والے زخم کا تعلق سر اور چہرے سے ہے۔ [مصنف ابن ابي شيبه/كتاب الديات/حدیث: 28545]

حضرت مکحول کا ارشاد ہے کہ ہڈی کو واضح کردینے والے زخم میں سر اور چہرہ برابر ہیں، الایہ کہ چہرے میں کوئی عیب ہوجائے تو اس عیب کے بقدر زیادتی ہوگی۔ [مصنف ابن ابي شيبه/كتاب الديات/حدیث: 28546]

حضرت زید کا ارشاد ہے کہ ہڈی واضح کردینے والے زخم میں چہر ہ اور سر اور ناک برابر ہیں۔ [مصنف ابن ابي شيبه/كتاب الديات/حدیث: 28547]

حضرت ابراہیم فرماتے ہیں کہ ہڈی کو واضح کردینے والے زخم میں چہرہ اور سر برابر ہیں۔ [مصنف ابن ابي شيبه/كتاب الديات/حدیث: 28548]

حضرت حسن کا ارشاد ہے کہ چہرے پر ہڈی کو واضح کردینے والا زخم سر میں ہڈی کو واضح کردینے والے زخم کی ہی طرح ہے۔ [مصنف ابن ابي شيبه/كتاب الديات/حدیث: 28549]

حضرت شریح اور حسن کا ارشاد ہے کہ چہرے پر ہڈی واضح کردینے والا زخم سر میں ہڈی واضح کردینے والے زخم کے برابر ہے۔ [مصنف ابن ابي شيبه/كتاب الديات/حدیث: 28550]

حضرت ابن عباس رضی اللہ عنہما کا ارشاد ہے کہ ہڈی کو واضح کردینے والا زخم اس جگہ اور اس جگہ برابر ہیں اور معتمر نے اپنے ہاتھ کے ساتھ اپنے چہرے اور سر کی طرف اشارہ کیا۔ [مصنف ابن ابي شيبه/كتاب الديات/حدیث: 28551]