حضرت سعید ابن مسیب کا ارشاد ہے کہ باندی کے جنین (یعنی اس بچہ میں جو ابھی پیٹ میں ہو کو ضائع کرنے پر) دس دینار ہیں۔ [مصنف ابن ابي شيبه/كتاب الديات/حدیث: 29027]

حضرت حماد فرماتے ہیں کہ باندی کے پیٹ میں موجود بچہ میں فیصلہ ہے۔ [مصنف ابن ابي شيبه/كتاب الديات/حدیث: 29028]

حضرت حسن فرماتے ہیں کہ جب بچہ پیدائش کے وقت چلائے تو اس کے اس چلانے کے دن کی قیمت کا حساب ہوگا۔ [مصنف ابن ابي شيبه/كتاب الديات/حدیث: 29029]

حضرت حکم کا ارشاد ہے کہ لوگ باندی کے بچہ کو آزاد عورت کے بچہ کے حکم میں لیتے تھے۔ [مصنف ابن ابي شيبه/كتاب الديات/حدیث: 29030]

حضرت ابراہیم کا ارشاد ہے کہ باندی کے پیٹ میں موجود بچے کا اعتبار باندی کی قیمت سے ہے اور آزاد عورت کے بچے کا اعتبار اس کی دیت سے ہے یعنی عشر اور نصف عشر۔ [مصنف ابن ابي شيبه/كتاب الديات/حدیث: 29031]

حضرت قتادہ فرماتے ہیں کہ اگر بچہ زندہ پیدا ہوجائے تو اس میں اس کی قیمت ہے اور اگر مردہ پیدا ہوا تو اس میں اس کی ماں کی قیمت کا دسواں حصہ ہے۔ [مصنف ابن ابي شيبه/كتاب الديات/حدیث: 29032]

حضرت حسن سے مروی ہے کہ باندی کے پیٹ کے بچہ میں اس کی ماں کی قیمت کا دسواں حصہ ہے۔ [مصنف ابن ابي شيبه/كتاب الديات/حدیث: 29033]

حضرت حسن سے مروی ہے کہ اس کی ماں کی قیمت کا دسواں حصہ ہے۔ [مصنف ابن ابي شيبه/كتاب الديات/حدیث: 29034]

حضرت سفیان کا ارشاد ہے کہ ہم کہتے ہیں کہ اگر جنین غلام ہو (یعنی لڑکا پیدا ہو) تو اس کی قیمت کا بیسواں حصہ دینا ہوگا اور اگر باندی (یعنی بچی پیدا ہو) تو اس کی قیمت کا دسواں حصہ دینا ہوگا۔ [مصنف ابن ابي شيبه/كتاب الديات/حدیث: 29035]