حضرت شعبی فرماتے ہیں کہ حضرت علی رضی اللہ عنہ کے سامنے ایک آدمی کو پیش کیا گیا جس نے ایک عورت کو قتل کیا تھا اس پر حضرت علی رضی اللہ عنہ نے اس عورت کے سرپرستوں سے فرمایا: اگر تم چاہو تو قاتل کے خاندان والوں کو آدھی دیت ادا کردو اور تم اسے قتل کردو۔ [مصنف ابن ابي شيبه/كتاب الديات/حدیث: 29280]

حضرت عوف فرماتے ہیں کہ حضرت حسن بصری نے ارشاد فرمایا: مرد کو عورت کے بدلے قصاصاً قتل نہیں کیا جائے گا یہاں تک کہ وہ قاتل کے اہل کو آدھی دیت ادا کردیں۔ [مصنف ابن ابي شيبه/كتاب الديات/حدیث: 29281]

حضرت عبدالملک فرماتے ہیں کہ حضرت عطاء نے اس آدمی کے بارے میں جس نے عورت کو قتل کردیا ہو، آپ نے یوں ارشاد فرمایا: اگر وہ اس کو قصاصاً قتل کردیں تو وہ آدھی دیت ادا کریں اور اگر عورت کے خاندان والے چاہیں تو دیت قبول کرلیں۔ [مصنف ابن ابي شيبه/كتاب الديات/حدیث: 29282]