حضرت ابو الصدیق فرماتے ہیں کہ حضرت ابو سعید نے ارشاد فرمایا: جب تم لوگ اللہ سے کوئی چیز مانگو تو اپنے مانگنے میں خوب مبالغہ کرو۔ پس یقینا جو کچھ اللہ کے پاس ہے تم اس کو ختم کرنے والے نہیں ہو۔ [مصنف ابن ابي شيبه/كتاب الدعاء/حدیث: 31340]

حضرت عروہ فرماتے ہیں کہ حضرت عائشہ رضی اللہ عنہا نے ارشاد فرمایا: جب تم میں سے کوئی شخص کسی چیز کی خواہش و تمنا کرے تو اس کو چاہیے کہ وہ کثرت سے مانگے کیونکہ وہ اپنے رب سے مانگ رہا ہے۔ (کسی اور سے نہیں) [مصنف ابن ابي شيبه/كتاب الدعاء/حدیث: 31341]