سیدنا ابوہریرہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا ہے: ”اس ذات کی قسم! جس کے دستِ قدرت میں میری جان ہے، تم لوگ اس وقت تک جنت میں داخل نہیں ہو گے جب تک تم مومن نہیں ہو جاتے اور تم اس وقت تک مومن نہیں ہو سکتے جب تک ایک دوسرے سے محبت نہیں رکھتے۔ کیا میں ایسی چیز کے بارے میں تمہاری رہنمائی نہ کروں کہ جب وہ تم کر لو گے تو تمہارے درمیان محبت پیدا ہو جائے گی؟ تم اپنے درمیان سلام کو پھیلاؤ۔“ [صحیح ابن حبان/كِتَابُ الإِيمَانِ/حدیث: 236]