سیدنا انس رضی اللہ عنہ بیان کرتے ہیں کہ نبی اکرم صلی اللہ علیہ وسلم کی اونٹنی «عَضْبَاء» سے آگے کوئی نہیں نکل سکتا تھا، جب بھی اس کے ساتھ مقابلہ ہوتا تھا وہ آگے نکل جاتی تھی۔ ایک مرتبہ ایک دیہاتی ایک اونٹ پر بیٹھ کر آیا، اس نے اس اونٹنی کے ساتھ مقابلہ کیا تو وہ آگے نکل گیا۔ یہ بات نبی اکرم صلی اللہ علیہ وسلم کے اصحاب رضی اللہ عنہم کو گراں گزری، جب نبی اکرم صلی اللہ علیہ وسلم نے ان کے چہروں پر یہ بات ملاحظہ کی تو آپ صلی اللہ علیہ وسلم نے ارشاد فرمایا: ”اللہ تعالیٰ پر یہ بات لازم ہے کہ اس دنیا میں جب کسی چیز کو سربلندی عطا کرے تو اسے پستی بھی عطا کرے۔“ [صحیح ابن حبان/كِتَابُ الرَّقَائِقِ/حدیث: 703]