سیدنا جبیر بن مطعم رضی اللہ عنہ کے صاحبزادے اپنے والد کا یہ بیان نقل کرتے ہیں کہ نبی اکرم صلی اللہ علیہ وسلم جب نماز شروع کرتے تھے تو یہ کہتے تھے: «اَللّٰهُ أَكْبَرُ كَبِيرًا» ”اللہ تعالیٰ سب سے بڑا ہے، وہ بڑائی والا ہے“ اور «وَالْحَمْدُ لِلّٰهِ كَثِيرًا» ”ہر طرح کی حمد اللہ تعالیٰ کے لیے مخصوص ہے، جو زیادہ ہو“، یہ کلمات آپ صلی اللہ علیہ وسلم تین مرتبہ کہتے تھے، پھر تین مرتبہ یہ کہتے تھے: «وَسُبْحَانَ اللّٰهِ بُكْرَةً وَأَصِيلًا» ”میں صبح اور شام اللہ تعالیٰ کی پاکی بیان کرتا ہوں“، پھر آپ صلی اللہ علیہ وسلم یہ کہتے تھے: «أَعُوذُ بِاللّٰهِ مِنَ الشَّيْطَانِ الرَّجِيمِ مِنْ هَمْزِهِ وَنَفْخِهِ وَنَفْثِهِ» ”میں مردود شیطان سے اس کے پھونک مارنے سے، اس کے پھونکنے سے اللہ کی پناہ مانگتا ہوں“۔ عمرو نامی راوی کہتے ہیں: نفخ سے مراد تکبر ہے، ہمز سے مراد مرگی ہے اور نفث سے مراد شعر کہنا ہے۔ [صحیح ابن حبان/كِتَابُ الصَّلَاةِ/حدیث: 1780]