قیس بن طلق بیان کرتے ہیں: ایک دن میرے والد (طلق بن علی رضی اللہ عنہ) رمضان کے مہینے میں مجھ سے ملنے کے لیے آئے، وہ شام تک ہمارے ہاں رہے۔ انہوں نے افطاری کی، پھر اس رات انہوں نے ہمیں نماز پڑھائی تو وتر بھی ادا کر لیے، پھر وہ مسجد تشریف لے گئے، وہاں انہوں نے اپنے ساتھیوں کو بھی نماز پڑھائی۔ پھر انہوں نے ایک شخص کو آگے کیا اور بولے: تم اپنے ساتھیوں کو وتر پڑھا دو، کیونکہ میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: «لَا وِتْرَانِ فِي لَيْلَةٍ» ”ایک ہی رات میں دو مرتبہ وتر ادا نہیں کیے جاتے۔“ [صحیح ابن حبان/كِتَابُ الصَّلَاةِ/حدیث: 2449]