سیدنا انس بن مالک رضی اللہ عنہ بیان کرتے ہیں کہ جب مؤذن اذان دے دیتا تو نبی اکرم صلی اللہ علیہ وسلم کے اصحاب نماز ادا کرنے کے لیے تیزی سے ستونوں کی طرف لپکتے تھے، یہاں تک کہ جب نبی اکرم صلی اللہ علیہ وسلم ان کے پاس تشریف لاتے تو وہ لوگ اسی حالت میں ہوتے تھے، وہ حضرات مغرب سے پہلے بھی دو رکعات ادا کیا کرتے تھے حالانکہ اذان اور اقامت کے درمیان زیادہ وقفہ نہیں ہوتا تھا۔ [صحیح ابن حبان/كِتَابُ الصَّلَاةِ/حدیث: 2489]