سیدنا حذیفہ رضی اللہ عنہ بیان کرتے ہیں کہ غزوہ خندق کے موقع پر میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”ان لوگوں نے ہمیں عصر کی نماز ادا کرنے نہیں دی، «مَلَأَ اللّٰهُ قُبُوْرَهُمْ وَبُيُوْتَهُمْ نَارًا» ”اللہ تعالیٰ ان کی قبروں اور گھروں کو آگ سے بھر دے۔““ راوی بیان کرتے ہیں کہ نبی اکرم صلی اللہ علیہ وسلم وہ نماز اس دن سورج غروب ہونے تک ادا نہیں کر سکے تھے۔ [صحیح ابن حبان/كِتَابُ الصَّلَاةِ/حدیث: 2891]