سیدنا واثلہ بن اسقع رضی اللہ عنہ نبی اکرم صلی اللہ علیہ وسلم کے بارے میں یہ بات نقل کرتے ہیں کہ آپ صلی اللہ علیہ وسلم نے ایک شخص کی نمازِ جنازہ ادا کرتے ہوئے یہ دعا مانگی: «اللَّهُمَّ إِنَّ فُلَانَ بْنَ فُلَانٍ فِي ذِمَّتِكَ، وَحَبْلِ جِوَارِكَ، فَقِهِ مِنْ فِتْنَةِ الْقَبْرِ، وَعَذَابِ النَّارِ، وَأَنْتَ أَهْلُ الْوَفَاءِ وَالْحَقِّ، فَاغْفِرْ لَهُ، وَارْحَمْهُ، إِنَّكَ أَنْتَ الْغَفُورُ الرَّحِيمُ» ”اے اللہ! بے شک فلاں بن فلاں (یعنی یہ مرحوم) تیرے ذمے اور تیرے جوارِ رحمت میں ہے، تو تو اسے قبر کی آزمائش سے اور جہنم کے عذاب سے محفوظ رکھنا، تو (ذمے کو) پورا کرنے کا زیادہ اہل ہے، اے اللہ! تو اس کی مغفرت کر دے، تو اس پر رحم کر، بے شک تو مغفرت کرنے والا رحم کرنے والا ہے۔“ [صحیح ابن حبان/كِتَابُ الجَنَائِزِ وَمَا يَتَعَلَّقُ بِهَا مُقَدَّمًا أَوْ مُؤَخَّرًا/حدیث: 3074]