سیدنا ابوایوب انصاری رضی اللہ عنہ بیان کرتے ہیں کہ ایک شخص نے عرض کی: ”اے اللہ کے نبی صلی اللہ علیہ وسلم ! آپ صلی اللہ علیہ وسلم مجھے ایسے عمل کے بارے میں بتائیے جو مجھے جنت میں داخل کر دے۔“ لوگوں نے کہا: اس کا مال، اس کا مال۔ نبی اکرم صلی اللہ علیہ وسلم نے فرمایا: «أَرَبٌ مَالُهُ» ”اسے ایک ضرورت درپیش ہے“، نبی اکرم صلی اللہ علیہ وسلم نے ارشاد فرمایا: ”تم اللہ کی عبادت کرو، تم کسی کو اس کا شریک نہ ٹھہراؤ، تم نماز قائم کرو، تم زکاۃ ادا کرو، تم صلہ رحمی کرو۔“ اور فرمایا: ”اب اسے چھوڑ دو۔“ راوی کہتے ہیں کہ گویا نبی اکرم صلی اللہ علیہ وسلم اس وقت سواری پر سوار تھے۔ [صحیح ابن حبان/كِتَابُ الزَّكَاةِ/حدیث: 3246]